ದಶಕಗಳ ಸ್ನೇಹ ಮತ್ತು ಸೌಹಾರ್ದತೆಯನ್ನು ಸಾರುತ್ತಾ, ತಮಿಳು ಚಿತ್ರರಂಗದ ಇಬ್ಬರು ಮಹಾನ್ ತಾರೆಗಳು ಒಂದಾಗಿದ್ದಾರೆ. ಸೂಪರ್ಸ್ಟಾರ್ ರಜನಿಕಾಂತ್ ಅವರ 173ನೇ ಚಿತ್ರವನ್ನು ಅವರ ಆತ್ಮೀಯ ಸ್ನೇಹಿತ, ನಟ ಕಮಲ್ ಹಾಸನ್ ಅವರು ತಮ್ಮ ‘ರಾಜ್ ಕಮಲ್ ಫಿಲ್ಮ್ಸ್ ಇಂಟರ್ನ್ಯಾಷನಲ್’ (RKFI) ಬ್ಯಾನರ್ ಅಡಿಯಲ್ಲಿ ನಿರ್ಮಿಸಲಿದ್ದಾರೆ. ಈ ಸುದ್ದಿ ಇಡೀ ಭಾರತೀಯ ಚಿತ್ರರಂಗದಲ್ಲಿ ಸಂಚಲನ ಮೂಡಿಸಿದೆ.
ನಿರ್ದೇಶನದ ಜವಾಬ್ದಾರಿ ಸುಂದರ್ ಸಿ ಅವರಿಗೆ
ಈ ಬಹುನಿರೀಕ್ಷಿತ ಚಿತ್ರಕ್ಕೆ ಜನಪ್ರಿಯ ನಿರ್ದೇಶಕ ಸುಂದರ್ ಸಿ ಆಕ್ಷನ್ ಕಟ್ ಹೇಳಲಿದ್ದಾರೆ. ಈ ಹಿಂದೆ ರಜನಿಕಾಂತ್ ಅವರ ಬ್ಲಾಕ್ಬಸ್ಟರ್ ಚಿತ್ರ ‘ಅರುಣಾಚಲಂ’ (1997) ಗೆ ಸುಂದರ್ ಸಿ ಸಹಾಯ ನಿರ್ದೇಶಕರಾಗಿ ಕೆಲಸ ಮಾಡಿದ್ದರು. ಈಗ ಅವರು ರಜನಿಕಾಂತ್ ಅವರ 173ನೇ ಚಿತ್ರಕ್ಕೆ ಪೂರ್ಣ ಪ್ರಮಾಣದ ನಿರ್ದೇಶಕರಾಗುತ್ತಿರುವುದು ವಿಶೇಷ. ಸುಂದರ್ ಸಿ ಅವರ ಕಾಮಿಡಿ ಮತ್ತು ಆಕ್ಷನ್ ಮಿಶ್ರಿತ ಮನರಂಜನೆಯ ಚಿತ್ರಗಳಿಗಾಗಿ ಹೆಸರುವಾಸಿಯಾಗಿದ್ದಾರೆ.
ಬಿಡುಗಡೆ ಯಾವಾಗ?
#Thalaivar173 ಎಂದು ಕರೆಯಲ್ಪಡುವ ಈ ಚಿತ್ರವು 2027 ರ ಪೊಂಗಲ್ ಹಬ್ಬಕ್ಕೆ ವಿಶ್ವಾದ್ಯಂತ Grand ಆಗಿ ಬಿಡುಗಡೆಗೊಳ್ಳಲಿದೆ. ಚಿತ್ರದ ವಿತರಣೆಯನ್ನು ರೆಡ್ ಜೈಂಟ್ ಮೂವೀಸ್ (Red Giant Movies) ಸಂಸ್ಥೆ ವಹಿಸಿಕೊಂಡಿದೆ ಎಂದು ಮೂಲಗಳು ತಿಳಿಸಿವೆ.
ಸ್ನೇಹಕ್ಕೆ ಸಾಕ್ಷಿಯಾದ ಮಹತ್ವದ ಮೈಲಿಗಲ್ಲು
ಈ ಸಹಯೋಗವು ಕೇವಲ ಸಿನಿಮಾ ಮಾತ್ರವಲ್ಲ, ರಜನಿಕಾಂತ್ ಮತ್ತು ಕಮಲ್ ಹಾಸನ್ ಅವರ ಐದು ದಶಕಗಳಿಗೂ ಹೆಚ್ಚು ಕಾಲದ ಸ್ನೇಹ ಮತ್ತು ಸಹೋದರತ್ವದ ಬಂಧವನ್ನು ಆಚರಿಸುತ್ತದೆ. ಈ ಬಗ್ಗೆ ಮಾತನಾಡಿದ ಕಮಲ್ ಹಾಸನ್, ತಮ್ಮ X (ಹಿಂದಿನ ಟ್ವಿಟರ್) ಖಾತೆಯಲ್ಲಿ, “ಗಾಳಿಯಂತೆ, ಮಳೆಯಂತೆ, ನದಿಯಂತೆ ಸುರಿಸೋಣ, ಸಂತೋಷಿಸೋಣ, ಬದುಕೋಣ! ರಾಜ್ಕಮಲ್ ಫಿಲ್ಮ್ಸ್ ಇಂಟರ್ನ್ಯಾಷನಲ್ ನಿರ್ಮಾಣದಲ್ಲಿ ಸುಂದರ್ ಸಿ ನಿರ್ದೇಶನದಲ್ಲಿ ನನ್ನ ಆತ್ಮೀಯ ಸ್ನೇಹಿತ ಸೂಪರ್ಸ್ಟಾರ್ ರಜನಿಕಾಂತ್ ನಟಿಸುತ್ತಿರುವ #Thalaivar173 ಎಂಬ ಹ್ಯಾಷ್ಟ್ಯಾಗ್ ನಲ್ಲಿ ಬರೆದು ಸಂತಸ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ಪ್ರಪಂಚದ ಮೂಲೆ ಮೂಲೆ ಪರಿಚಯಿಸುವ ಕನ್ನಡದ ಟಾಪ್ ಟ್ರಾವೆಲ್ Youtube ಚಾನೆಲ್ಗಳು
ರಜನಿಕಾಂತ್ ಮತ್ತು ಕಮಲ್ ಹಾಸನ್ ಎಂಬ ಇಬ್ಬರೂ ತಮಿಳು ಚಿತ್ರರಂಗದ ಐತಿಹಾಸಿಕ ವ್ಯಕ್ತಿತ್ವಗಳು. ರಜನಿಕಾಂತ್ರ ‘ಜೈಲರ್ ೨’ ಚಿತ್ರದ ನಂತರ ಈ ಪ್ರಾಜೆಕ್ಟ್ ಅವರ ಹೊಸ ಸಾಹಸವಾಗಿದ್ದು, ಕಮಲ್ ಹಾಸನ್ ನಿರ್ಮಾಣದಲ್ಲಿ ಅಭಿನಯಿಸುವುದು ಇಬ್ಬರ ಸ್ನೇಹದ ಸಂಕೇತವಾಗಿದೆ.
ಈ ಚಿತ್ರವು ದೊಡ್ಡ ಬಜೆಟ್ನೊಂದಿಗೆ ನಿರ್ಮಾಣಗೊಳ್ಳಲಿದ್ದು, ರಜನಿಕಾಂತ್ರ ಅದ್ಭುತ ಅಭಿನಯ ಮತ್ತು ಸುಂದರ್ ಸಿ ಅವರ ಕಾಮೆಡಿ-ಆಕ್ಷನ್ ಮಿಶ್ರಣದ ಶೈಲಿಯಿಂದ ದಕ್ಷಿಣ ಭಾರತದ ಚಿತ್ರರಂಗಕ್ಕೆ ಹೊಸ ಉತ್ಸಾಹವನ್ನು ತರಲಿದೆ ಎಂದು ಸಿನಿಮಾ ಪ್ರೇಮಿಗಳು ನಂಬಿಕೆ ವ್ಯಕ್ತಪಡಿಸಿದ್ದಾರೆ. ಪೊಂಗಲ್ 2027 ರಲ್ಲಿ ಬಿಡುಗಡೆಯಾಗುವ ಈ ಚಿತ್ರವು ಫ್ಯಾನ್ಗಳಿಗೆ ದೊಡ್ಡ ಗಿಫ್ಟ್ ಆಗಲಿದೆ ಎಂಬುದರಲ್ಲಿ ಸಂದೇಹವಿಲ್ಲ.
ಈ ಅದ್ಧೂರಿ ಚಿತ್ರವು ಭಾರತೀಯ ಸಿನೆಮಾ ಇತಿಹಾಸದಲ್ಲಿ ಒಂದು ಪ್ರಮುಖ ಮೈಲಿಗಲ್ಲಾಗಿದ್ದು, ರಜನಿಕಾಂತ್ ಮತ್ತು ಕಮಲ್ ಹಾಸನ್ ಅವರ ಅಭಿಮಾನಿಗಳಿಗೆ ದೊಡ್ಡ ಹಬ್ಬವಾಗಲಿದೆ. ಚಿತ್ರದ ಪಾತ್ರವರ್ಗ ಮತ್ತು ಇತರ ತಾಂತ್ರಿಕ ತಂಡದ ವಿವರಗಳು ಶೀಘ್ರದಲ್ಲೇ ಪ್ರಕಟಗೊಳ್ಳುವ ನಿರೀಕ್ಷೆಯಿದೆ.