ಮದುವೆ ಎಂಬುದು ಪ್ರತಿಯೊಬ್ಬರ ಜೀವನದ ಹೊಸ ಅಧ್ಯಾಯ. ಈ ಹೊಸ ಜೀವನಕ್ಕೆ ಕಾಲಿಡುವ ಮುನ್ನ, ನಿಮ್ಮ ಆತ್ಮೀಯ ಸ್ನೇಹಿತರೊಂದಿಗೆ ಕಡೆಯದಾಗಿ ಒಂದು ಭರ್ಜರಿ ಪಾರ್ಟಿ ಅಥವಾ ಪ್ರವಾಸ ಮಾಡಬೇಕೆಂಬ ಆಸೆ ನಿಮಗಿದೆಯೇ? ಹಾಗಾದರೆ ಭಾರತದಲ್ಲೇ ಇರುವ ಈ ಅದ್ಭುತ ತಾಣಗಳು ನಿಮ್ಮ ‘ಬ್ಯಾಚುಲರ್’ ಅಥವಾ ‘ಬ್ಯಾಚುಲರೆಟ್’ ಪಾರ್ಟಿಗೆ ಹೇಳಿ ಮಾಡಿಸಿದಂತಿವೆ.
ಮೋಜಿನ ಕಡಲತೀರಗಳಿಂದ ಹಿಡಿದು, ಹಿಮದ ಪರ್ವತಗಳವರೆಗೆ ನಿಮ್ಮ ಆಯ್ಕೆಯ ಟಾಪ್ 10 ತಾಣಗಳ ಪಟ್ಟಿ ಇಲ್ಲಿದೆ.
ಬೀಚ್ ಪ್ರಿಯರಿಗಾಗಿ ಅತ್ಯುತ್ತಮ ತಾಣಗಳು
ಗೋವಾ (Goa):
ಭಾರತದ ಪಾರ್ಟಿ ರಾಜಧಾನಿ ಎಂದೇ ಕರೆಯಲ್ಪಡುವ ಗೋವಾ, ಬ್ಯಾಚುಲರ್ ಪಾರ್ಟಿಗೆ ಮೊದಲ ಆಯ್ಕೆ. ಹಗಲಿನಲ್ಲಿ ಸುಂದರ ಕಡಲತೀರಗಳಲ್ಲಿ ವಿಶ್ರಾಂತಿ ಪಡೆಯಬಹುದು ಮತ್ತು ರಾತ್ರಿಯ ವೇಳೆ ಇಲ್ಲಿನ ನೈಟ್ಕ್ಲಬ್ಗಳಲ್ಲಿ ಕುಣಿದು ಕುಪ್ಪಳಿಸಬಹುದು. ಅಕ್ಟೋಬರ್ ನಿಂದ ಮಾರ್ಚ್ ತಿಂಗಳು ಇಲ್ಲಿಗೆ ಭೇಟಿ ನೀಡಲು ಅತ್ಯುತ್ತಮ ಸಮಯ. ಯಾಚ್ ಪಾರ್ಟಿಗಳು (Yacht Parties) ಇಲ್ಲಿನ ಮತ್ತೊಂದು ಆಕರ್ಷಣೆ.
ಪಾಂಡಿಚೇರಿ (Pondicherry):
ಸ್ವಲ್ಪ ಶಾಂತಿಯುತ ಹಾಗೂ ಫ್ರೆಂಚ್ ಸಂಸ್ಕೃತಿಯ ಸೊಗಡನ್ನು ಬಯಸುವವರಿಗೆ ಪಾಂಡಿಚೇರಿ ಉತ್ತಮ ತಾಣ. ಇಲ್ಲಿನ ‘ವೈಟ್ ಟೌನ್’ (White Town) ನ ಸುಂದರ ರಸ್ತೆಗಳು, ಕೆಫೆಗಳು ಮತ್ತು ಕಡಲತೀರಗಳು ನಿಮ್ಮ ಮನಸ್ಸಿಗೆ ಮುದ ನೀಡುತ್ತವೆ. ರುಚಿಕರವಾದ ಸೀಫುಡ್ (Sea food) ಮತ್ತು ರಿಲ್ಯಾಕ್ಸ್ ಆಗಲು ಇದು ಹೇಳಿ ಮಾಡಿಸಿದ ಜಾಗ.
ವರ್ಕಲಾ, ಕೇರಳ (Varkala):
ಕೇರಳದ ವರ್ಕಲಾ ಒಂದು ಸುಂದರವಾದ ಮತ್ತು ಶಾಂತಿಯುತ ತಾಣ. ಇಲ್ಲಿನ ಕಡಲತೀರದ ಬೆಟ್ಟಗಳು (Cliffs) ಮತ್ತು ಚಿನ್ನದ ಬಣ್ಣದ ಮರಳು ನಿಮ್ಮನ್ನು ಆಕರ್ಷಿಸುತ್ತದೆ. ಸಾಹಸ ಪ್ರಿಯರು ಮತ್ತು ಶಾಂತಿಯನ್ನು ಬಯಸುವವರು ಇಲ್ಲಿನ ಕ್ಲಿಫ್ಸೈಡ್ ಕೆಫೆಗಳಲ್ಲಿ ಕುಳಿತು ಸಮುದ್ರದ ಅಲೆಗಳನ್ನು ನೋಡುತ್ತಾ ಸಮಯ ಕಳೆಯಬಹುದು.
ಅಂಡಮಾನ್ ಮತ್ತು ನಿಕೋಬಾರ್ (Andaman & Nicobar):
ನೀವು ಸಾಹಸ ಪ್ರಿಯರೇ? ಹಾಗಾದರೆ ಅಂಡಮಾನ್ ನಿಮಗೆ ಬೆಸ್ಟ್. ಇಲ್ಲಿ ನೀವು ಸ್ಕೂಬಾ ಡೈವಿಂಗ್, ಸ್ನಾರ್ಕ್ಲಿಂಗ್ನಂತಹ ವಾಟರ್ ಸ್ಪೋರ್ಟ್ಸ್ ಆನಂದಿಸಬಹುದು. ಇಲ್ಲಿನ ಬಿಳಿ ಮರಳಿನ ಬೀಚ್ಗಳು ಮತ್ತು ಸ್ವಚ್ಛವಾದ ನೀರು ನಿಮ್ಮ ಮನಸ್ಸನ್ನು ಗೆಲ್ಲುವುದು ಖಂಡಿತ.
ಗೋಕರ್ಣ (Gokarna):
ಗೋವಾದಷ್ಟೇ ಸುಂದರ ಆದರೆ ಜನದಟ್ಟಣೆ ಕಡಿಮೆ ಇರುವ ಜಾಗ ಬೇಕೆಂದರೆ ಗೋಕರ್ಣಕ್ಕೆ ಬನ್ನಿ. ಇಲ್ಲಿನ ಓಂ ಬೀಚ್ ಮತ್ತು ಕುಡ್ಲೆ ಬೀಚ್ಗಳು ಪ್ರಸಿದ್ಧವಾಗಿವೆ. ಸಂಜೆಯ ವೇಳೆ ಬೀಚ್ ಕೆಫೆಗಳಲ್ಲಿ ಕುಳಿತು ಸೂರ್ಯಾಸ್ತವನ್ನು ನೋಡುವುದು ಇಲ್ಲಿನ ವಿಶೇಷ ಅನುಭವ.
ಇದನ್ನೂ ಓದಿ: ಪ್ರವಾಸಿಗರನ್ನು ಕೈಬೀಸಿ ಕರೆಯುತ್ತಿದೆ ಕಡಲ ತೀರಗಳು; ಹೊಸ ವರ್ಷಾಚರಣೆಗೆ ಸಜ್ಜಾದ ಗೋಕರ್ಣ
ಬೆಟ್ಟ ಮತ್ತು ಸಾಹಸ ಪ್ರಿಯರಿಗಾಗಿ
ಕಸೋಲ್ (Kasol):
ಹಿಮಾಚಲ ಪ್ರದೇಶದ ಪಾರ್ವತಿ ಕಣಿವೆಯಲ್ಲಿರುವ ಕಸೋಲ್, ಪ್ರಕೃತಿ ಪ್ರಿಯರಿಗೆ ಸ್ವರ್ಗ. ಟ್ರೆಕ್ಕಂಗ್, ಕ್ಯಾಂಪಿಂಗ್ ಮತ್ತು ಇಲ್ಲಿನ ವೈಲ್ಡ್ ಪಾರ್ಟಿಗಳು ಯುವಜನರನ್ನು ಆಕರ್ಷಿಸುತ್ತವೆ. ಪರ್ವತಗಳ ನಡುವೆ ಕೂತು ಬಿಸಿ ಬಿಸಿ ಕಾಫಿ ಕುಡಿಯುವ ಮಜವೇ ಬೇರೆ!
ಋಷಿಕೇಶ (Rishikesh):
ಕೇವಲ ಧಾರ್ಮಿಕ ತಾಣವಷ್ಟೇ ಅಲ್ಲ, ಋಷಿಕೇಶ ಸಾಹಸ ಕ್ರೀಡೆಗಳಿಗೂ ಹೆಸರುವಾಸಿ. ಹಗಲಿನಲ್ಲಿ ರಿವರ್ ರಾಫ್ಟಿಂಗ್ (River Rafting) ಮಾಡಿ, ರಾತ್ರಿ ವೇಳೆ ನದಿ ತೀರದಲ್ಲಿ ಕ್ಯಾಂಪಿಂಗ್ ಮಾಡುತ್ತಾ ಬೆಂಕಿಯ ಮುಂದೆ (Bonfire) ಕುಳಿತು ಹಾಡು ಹೇಳುತ್ತಾ ಸಮಯ ಕಳೆಯಬಹುದು.
ಜಿರೋ ವ್ಯಾಲಿ (Ziro Valley):
ಈಶಾನ್ಯ ಭಾರತದ ಅರುಣಾಚಲ ಪ್ರದೇಶದಲ್ಲಿರುವ ಈ ತಾಣವು ಸಂಗೀತ ಪ್ರಿಯರಿಗೆ ಅಚ್ಚುಮೆಚ್ಚು. ಇಲ್ಲಿ ನಡೆಯುವ ಪ್ರಸಿದ್ಧ ‘ಜಿರೋ ಮ್ಯೂಸಿಕ್ ಫೆಸ್ಟಿವಲ್’ ಮತ್ತು ಇಲ್ಲಿನ ಹಸಿರು ಭತ್ತದ ಗದ್ದೆಗಳು ನಿಮ್ಮ ಪ್ರವಾಸವನ್ನು ಸ್ಮರಣೀಯವಾಗಿಸುತ್ತವೆ.
ಲಡಾಖ್ (Ladakh):
ಬೈಕ್ ರೈಡಿಂಗ್ ಮತ್ತು ಹಿಮಾಲಯದ ತುತ್ತತುದಿ ಏರಬೇಕೆಂಬ ಆಸೆ ಇದ್ದರೆ ಲಡಾಖ್ ಬೆಸ್ಟ್. ಇಲ್ಲಿನ ಪ್ಯಾಂಗಾಂಗ್ ಸರೋವರ (Pangong Lake) ಮತ್ತು ನುಬ್ರಾ ಕಣಿವೆಯ ಒಂಟೆ ಸವಾರಿ ನಿಮ್ಮ ಬ್ಯಾಚುಲರ್ ಪಾರ್ಟಿಗೆ ಒಂದು ಹೊಸ ಆಯಾಮ ನೀಡುತ್ತದೆ.
ರಾಜಮನೆತನದ ವೈಭವಕ್ಕಾಗಿ
ರಾಜಸ್ಥಾನ (Rajasthan):
ರಾಜರಂತೆ ದರ್ಬಾರ್ ನಡೆಸಲು ರಾಜಸ್ಥಾನಕ್ಕೆ ಹೋಗಿ.
ಉದಯ್ಪುರ: ಸರೋವರಗಳ ನಗರದಲ್ಲಿ ಅರಮನೆಗಳ ವೈಭವವನ್ನು ನೋಡಬಹುದು.
ಜೈಸಲ್ಮೇರ್: ಮರುಭೂಮಿಯಲ್ಲಿ ಕ್ಯಾಂಪಿಂಗ್ ಮತ್ತು ಒಂಟೆ ಸವಾರಿ ಮಾಡಬಹುದು.
ಜೈಪುರ: ಇಲ್ಲಿನ ಕೋಟೆಗಳು ಮತ್ತು ನೈಟ್ ಲೈಫ್ ತುಂಬಾ ಫೇಮಸ್.
ಇದನ್ನೂ ಓದಿ: ದುಬೈಗಿಂತ ಥೈಲ್ಯಾಂಡ್ ಫೇವರೆಟ್! ಭಾರತೀಯ ಪ್ರವಾಸಿಗರು ಈ ಬಾರಿ ಥೈಲ್ಯಾಂಡ್ ಕಡೆಗೆ ಮುಖ ಮಾಡುತ್ತಿರಲು 5 ಪ್ರಮುಖ ಕಾರಣಗಳು
ಸ್ನೇಹಿತರೇ, ಮದುವೆಗೆ ಮುನ್ನ ಬರುವ ಈ ಅವಕಾಶವನ್ನು ಕಳೆದುಕೊಳ್ಳಬೇಡಿ. ಮೇಲಿನ ಪಟ್ಟಿಯಿಂದ ನಿಮ್ಮಿಷ್ಟದ ತಾಣವನ್ನು ಆರಿಸಿ, ಬ್ಯಾಗ್ ಪ್ಯಾಕ್ ಮಾಡಿ ಮತ್ತು ನಿಮ್ಮ ದೋಸ್ತ್ಗಳ ಜೊತೆ ಮರೆಯಲಾಗದ ನೆನಪುಗಳನ್ನು ಮೂಡಿಸಿಕೊಳ್ಳಿ!