ಭಾರತದಲ್ಲಿ ಮೊದಲ ಬಾರಿಗೆ ಸಿನಿಮಾ ಚೈನ್ ಸಂಸ್ಥೆ PVR INOX ಬೆಂಗಳೂರು ಎಲೆಕ್ಟ್ರಾನಿಕ್ ಸಿಟಿಯ M5 E ಸಿಟಿ ಮಾಲ್ನಲ್ಲಿ ಲಕ್ಷುರಿ ಡೈನ್-ಇನ್ ಎಕ್ಸ್ಪೀರಿಯನ್ಸ್ ಥಿಯೇಟರ್ ಅನ್ನು ಪರಿಚಯಿಸಿದೆ — ಇದರಲ್ಲಿ ಒನಿಕ್ಸ್ ಎಲ್ಇಡಿ ಸ್ಕ್ರೀನ್, ಡಾಲ್ಬಿ ಅಟ್ಮಾಸ್ ಸೌಂಡ್ಸ್ , ಮತ್ತು ಪಿಜ್ಜಾಗಳು, ಸ್ಟಿರ್-ಫ್ರೈಗಳು ಮತ್ತು ಬಿರಿಯಾನಿಯಂತಹ ರುಚಿಕರ ಭೋಜನದ ಸೀಟ್-ಸೈಡ್ ಸೇವೆಯನ್ನು ಒಳಗೊಂಡಿದೆ
ಈ ಕಾನ್ಸೆಪ್ಟ್ ಪ್ರತ್ಯೇಕ ಸಿನಿಮಾ ಟಿಕೆಟ್ ಇಲ್ಲದೆ ಕಾರ್ಯನಿರ್ವಹಿಸುತ್ತದೆ, ಥಿಯೇಟರ್ಗೆ ಕಡಿಮೆಯಾಗುತ್ತಿರುವ ಪ್ರೇಕ್ಷಕರ ಸಂಖ್ಯೆಯ ನಡುವೆ ಭೋಜನ ವ್ಯವಸ್ಥೆಯೊಂದಗಿನ ಸಿನಿಮಾ ವೀಕ್ಷಣೆ ಹೊಸ ಜೀವನಶೈಲಿಯ ತಾಣವನ್ನು ಸೃಷ್ಟಿಸುವ ಗುರಿಯನ್ನು ಹೊಂದಿದೆ.
ಈ ಹೊಸ ಕಾನ್ಸೆಪ್ಟ್ ಬಗ್ಗೆ ಸಾಮಾಜಿಕ ಮಾಧ್ಯಮದ ಪ್ರತಿಕ್ರಿಯೆಗಳು ವಿಭಿನ್ನವಾಗಿವೆ, “ಇದು ಸಿನಿಮಾ ವೀಕ್ಷಣೆಯನ್ನು ಸಂಪೂರ್ಣವಾಗಿ ಮರುವ್ಯಾಖ್ಯಾನಿಸುತ್ತದೆ! ನೀವು ಒಳಗೆ ಕಾಲಿಟ್ಟ ಕ್ಷಣದಿಂದ, ನಿಮ್ಮನ್ನು ಸೊಬಗಿನ ಜಗತ್ತಿಗೆ ಸ್ವಾಗತಿಸಲಾಗುತ್ತದೆ, ಐಷಾರಾಮಿ ಆಸನ ವ್ಯವಸ್ಥೆಗಳು, ಸೊಗಸಾದ ಒಳಾಂಗಣ ವಿನ್ಯಾಸ, ವೈಯಕ್ತಿಕ ಸೇವೆ, ಮತ್ತು ವೃತ್ತಿಪರ ತಜ್ಞ ಅಡುಗೆ ತಯಾರಕರಿಂದ ರಚಿತವಾದ ರುಚಿಕರ ಭೋಜನವು ನಿಮ್ಮ ಆಸನಕ್ಕೆ ನೇರವಾಗಿ ತಲುಪಿಸಲ್ಪಡುತ್ತದೆ. ಮಂದ ಬೆಳಕಿನಿಂದ ಹಿಡಿದು ಆಕರ್ಷಕ ಧ್ವನಿ ಮತ್ತು ಪ್ರೊಜೆಕ್ಷನ್ವರೆಗೆ ಪ್ರತಿಯೊಂದು ಕೂಡ ಸಿನಿಮಾ ಅನುಭವವನ್ನು ಒಂದು ಹೊಸ ಐಷಾರಾಮಿ ಮಟ್ಟಕ್ಕೆ ಏರಿಸುತ್ತದೆ.
ಇದನ್ನೂ ಓದಿ: ಗೋವಾದಲ್ಲಿ ಏಷ್ಯಾದ ಅತಿದೊಡ್ಡ ಮೋಟಾರ್ಸೈಕಲ್ ಉತ್ಸವ- ಇಂಡಿಯಾ ಬೈಕ್ ವೀಕ್ (IBW)-2025; ಡೇಟ್ ಫಿಕ್ಷ್
ಮತ್ತು ಇಂತ ಸ್ಥಳವನ್ನು ಎಕ್ಸ್ಪೀರಿಯನ್ಸ್ ಮಾಡಲು ಕಾಂತಾರದಂತಹ ಚಿತ್ರಕ್ಕಿಂತ ಉತ್ತಮವಾದದ್ದು ಯಾವುದು? ನಮ್ಮ ಮೂಲಗಳು, ನಂಬಿಕೆ ಮತ್ತು ಜಾನಪದ ಕಥೆಗಳನ್ನು ಆಚರಿಸುವ ಒಂದು ಕಲಾಕೃತಿ! ಈ ಐಷಾರಾಮಿ ವಾತಾವರಣದಲ್ಲಿ ಅದನ್ನು ವೀಕ್ಷಿಸುವುದು ನಿಜಕ್ಕೂ ಅದ್ಭುತವಾಗಿತ್ತು. ದೃಶ್ಯಗಳ ಭವ್ಯತೆ, ಕಥೆಯ ಭಾವನಾತ್ಮಕ ಆಳ, ಮತ್ತು ಉತ್ತಮ ಭೋಜನದ ಸೌಕರ್ಯವು ಇದನ್ನು ಮರೆಯಲಾಗದ ಸಂಜೆಯನ್ನಾಗಿ ಮಾಡಿತು.” ಎಂದು ಕಾಂತಾರ ಚಿತ್ರ ವೀಕ್ಷಿಸಿದ ಗ್ರಾಹಕರೊಬ್ಬರು ತಮ್ಮ ಅನುಭವವನ್ನು ಸೋಷಿಯಲ್ ಮಿಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಕೆಲವರು ವಿಭಿನ್ನ ಪ್ರಯತ್ನವನ್ನು ಶ್ಲಾಘಿಸಿದರೆ, ಇನ್ನೂ ಕೆಲವರು ನಿಜವಾದ ಸಿನಿಪ್ರಿಯರಿಗೆ ಇದು ಸೂಕ್ತವಲ್ಲ, ನಾವು ಸಿನಿಮಾ ವೀಕ್ಷಿಸಬೇಕೇ ಅಥವಾ ತಿನ್ನುತ್ತಾ ಕುಳಿತುಕೊಳ್ಳಬೇಕೇ ಎಂದು ಪ್ರತಿಕ್ರಿಯಿಸಿದ್ದಾರೆ. ಮತ್ತು ಕೆಲವರು ಹೆಚ್ಚಿನ ಬೆಲೆಯ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ.
ಒಟ್ಟಾರೆ PVR.INOX ಬೆಂಗಳೂರಿನ ಈ ಹೊಸ ಕಾನ್ಸೆಪ್ಟ್ ಪ್ರಸಿದ್ಧಿ ಪಡೆದುಕೊಳ್ಳುತ್ತಾ ಕಾದುನೋಡಬೇಕು.