ತಮಿಳು ಚಿತ್ರರಂಗದ ಪ್ರತಿಭಾವಂತ ನಿರ್ದೇಶಕ ಹಾಗೂ ನಟ ಪ್ರದೀಪ್ ರಂಗನಾಥನ್ ಮತ್ತೆ ತನ್ನ ಹೊಸ ಸಿನಿಮಾ ‘ಡ್ಯೂಡ್’ (Dude) ಮೂಲಕ ಸಕ್ಸಸ್ನ ಸಿಂಹಾಸನದಲ್ಲಿ ಕುಳಿತಿದ್ದಾನೆ. ಬಿಡುಗಡೆಯಾದ ಕೆಲವೇ ದಿನಗಳಲ್ಲಿ ಈ ಚಿತ್ರಕ್ಕೆ ಭರ್ಜರಿ ಪ್ರತಿಕ್ರಿಯೆ ಸಿಕ್ಕಿದ್ದು, ಪ್ರೇಕ್ಷಕರು ಹಾಗೂ ವಿಮರ್ಶಕರಿಂದ ಪ್ರಶಂಸೆಯನ್ನು ಗಳಿಸಿದೆ. ವಿಶೇಷವೆಂದರೆ, ಪ್ರದೀಪ್ ನಟಿಸಿದ ಮೂರು ಸಿನಿಮಾಗಳೂ ₹100 ಕೋಟಿಗೂ ಹೆಚ್ಚು ವಸೂಲಿ ಮಾಡಿದೆ.
ಪ್ರದೀಪ್ ಅವರ ವೃತ್ತಿ ಜೀವನ ‘ವಾಟ್ಸ್ಆಪ್ ಕಾದಲ್’ (2015) ಎಂಬ ಕಿರು ಚಿತ್ರದೊಂದಿಗೆ ಆರಂಭವಾಯಿತು. ಇದರಲ್ಲಿ ಅವರು ನಟ, ನಿರ್ದೇಶಕ, ಎಲ್ಲ ಭೂಮಿಕೆಗಳನ್ನೂ ನಿರ್ವಹಿಸಿದರು. ಇದರೊಂದಿಗೆ ‘ಕಾಲೇಜ್ ಡೈರೀಸ್’, ‘ಟಿವಿ ಕಥೈ’, ‘ಹೈವೇ ಕಾದಲಿ’ ಮುಂತಾದ ಕಿರು ಚಿತ್ರಗಳು ಬಂದವು. ಈ ಶಾರ್ಟ್ ಫಿಲ್ಮಗಳು ಯೂಟ್ಯೂಬ್ನಲ್ಲಿ ಲಕ್ಷಾಂತರ ವೀಕ್ಷಣೆಗಳನ್ನು ಪಡೆದವು ಮತ್ತು ಹಲವು ನಿರ್ಮಾಪಕರ ಗಮನ ಸೆಳೆದವು.
2019ರಲ್ಲಿ ಅವರು ನಿರ್ದೇಶಿಸಿದ ಮೊದಲ ಪೂರ್ಣ ಪ್ರಮಾಣದ ಚಿತ್ರ ‘ಕೋಮಲಿ (Comali)’ ಜಯಮ್ ರವಿ ಮತ್ತು ಕಾಜಲ್ ಅಗರವಾಲ್ ನಟನೆಯ ಈ ಸಿನಿಮಾ ಮನರಂಜನೆಯ ಜೊತೆಗೆ ಸಾಮಾಜಿಕ ಸಂದೇಶವನ್ನು ನೀಡುವ ಚಿತ್ರವಾಗಿತ್ತು. ಈ ಚಿತ್ರ ಬಾಕ್ಸ್ಆಫೀಸ್ನಲ್ಲಿ ಬೃಹತ್ ಯಶಸ್ಸು ಕಂಡಿತು. ಇದೇ ಸಿನಿಮಾ ಪ್ರದೀಪ್ಗೆ ನಿರ್ದೇಶಕನಾಗಿ ಭಾರೀ ಖ್ಯಾತಿ ತಂದುಕೊಟ್ಟಿತು.
ಇದನ್ನೂ ಓದಿ: ಮೋದಿಯವರ ಭೇಟಿಯಾದಾಗ ನನಗೆ ಅವರ AURA ಅನುಭವವಾಯಿತು !! ರಿಷಭ್ ಶೆಟ್ಟಿ; ವೈರಲ್ ಆದ ಹೇಳಿಕೆ
ನಿರ್ದೇಶನದ ಬಳಿಕ ಪ್ರದೀಪ್ ತನ್ನ ಎರಡನೇ ಹಾದಿಯನ್ನು ನಟನಾಗಿ ಆರಿಸಿಕೊಂಡರು
2022ರಲ್ಲಿ ಬಿಡುಗಡೆಯಾದ ‘ಲವ್ ಟುಡೇ (Love Today)’ ಚಿತ್ರದಲ್ಲಿ ಅವರು ನಾಯಕನಾಗಿ ಕಾಣಿಸಿಕೊಂಡರು. ಯುವಜನತೆಯ ನೈಜ ಜೀವನ ಮತ್ತು ಸಂಬಂಧಗಳ ತಾರತಮ್ಯವನ್ನು ಮನರಂಜನೆಯ ರೀತಿಯಲ್ಲಿ ಚಿತ್ರಿಸಿರುವ ಈ ಸಿನಿಮಾ ಭಾರೀ ಹಿಟ್ ಆಯಿತು. ಈ ಚಿತ್ರವೂ ₹100 ಕೋಟಿ ಕ್ಲಬ್ಗೆ ಸೇರಿ, ಪ್ರೇಕ್ಷಕರ ಹೃದಯ ಗೆದ್ದಿತು. 2025ರಲ್ಲಿ ಬಂದ ‘ಡ್ರಾಗನ್’ ಚಿತ್ರವೂ 100 ಕೋಟಿ ರೂಪಾಯಿಗಳನ್ನು ಮೀರಿಸಿ ದೊಡ್ಡ ಕಮರ್ಷಿಯಲ್ ಹಿಟ್ ಆಯಿತು. ಅವರ ಎರಡನೇ ಲೀಡ್ ರೋಲ್ ಯಶಸ್ಸನ್ನು ಖಚಿತಪಡಿಸಿತು.
ಪ್ರದೀಪ್ ರಂಗನಾಥನ್ ಮತ್ತೆ ಸಕ್ಸಸ್ ಟ್ರ್ಯಾಕ್ನಲ್ಲಿ!
‘ಡ್ಯೂಡ್’ ಚಿತ್ರಕ್ಕೆ ಭರ್ಜರಿ ಪ್ರತಿಕ್ರಿಯೆ 2025 ಅಕ್ಟೋಬರ್ ನಲ್ಲಿ ಬಿಡುಗಡೆಯಾದ ಅವರ ಹೊಸ ಸಿನಿಮಾ ‘ಡ್ಯೂಡ್’ ಮತ್ತೊಮ್ಮೆ ಅದೇ ಅದ್ಭುತವನ್ನು ಮರುಕಳಿಸಿದೆ. ಪ್ರೇಕ್ಷಕರು ಸಿನಿಮಾದ ಕಥೆ, ಹಾಸ್ಯ ಹಾಗೂ ಪ್ರದೀಪ್ನ ನ್ಯಾಚುರಲ್ ಅಭಿನಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಚಿತ್ರವು ಬಾಕ್ಸ್ಆಫೀಸ್ನಲ್ಲಿ ಮೊದಲ ವಾರದಲ್ಲೇ ₹100 ಕೋಟಿ ದಾಟಿ ಸಕ್ಸಸ್ಫುಲ್ ಟ್ರ್ಯಾಕ್ನಲ್ಲಿ ಓಡುತ್ತಿದೆ.
ಪ್ರದೀಪ್ ರಂಗನಾಥನ್ನ ಮೂರು ಸಿನಿಮಾಗಳೂ ಪ್ರೇಕ್ಷಕರ ಮನಗೆದ್ದಿರುವ ಪ್ರಮುಖ ಕಾರಣವೆಂದರೆ ಅದು ಕಂಟೆಂಟ್! ಅವರು ತೋರಿಸಿರುವ ಪ್ರತಿಯೊಂದು ಸಿನಿಮಾವೂ ಹೊಸ ವಿಚಾರಧಾರೆ, ಸರಳ ಕಥನಶೈಲಿ ಹಾಗೂ ಪ್ರೇಕ್ಷಕರ ಹೃದಯಕ್ಕೆ ತಾಕುವ ಭಾವನೆಗಳ ಸಂಯೋಜನೆಯಾಗಿದೆ.
ಪ್ರದೀಪ್ ಈಗ ತಮಿಳು ಹಾಗೂ ತೆಲುಗು ಸಿನಿಮಾ ನಿರ್ಮಾಪಕರಿಂದ ಹಲವು ಆಫರ್ಗಳನ್ನು ಪಡೆದಿದ್ದಾರೆ.
ಅವರ ಮುಂದಿನ ಸಿನಿಮಾ ಬಹುಭಾಷಾ ಪ್ರಾಜೆಕ್ಟ್ ಆಗುವ ಸಾಧ್ಯತೆ ಇದೆ ಎಂದು ಚಿತ್ರರಂಗ ವಲಯದವರು ತಿಳಿಸಿದ್ದಾರೆ.
