ಬಾಲಿವುಡ್ ನಟ ರಣವೀರ್ ಸಿಂಗ್ (Ranveer Singh) ಅಭಿನಯದ ಬಹು ನಿರೀಕ್ಷಿತ ಆಕ್ಷನ್ ಥ್ರಿಲ್ಲರ್ ಸಿನಿಮಾ ‘ಧುರಂಧರ್’ನ (Dhurandhar) ಟ್ರೈಲರ್ ಅಂತಿಮವಾಗಿ ಬಿಡುಗಡೆಯಾಗಿದೆ. ನವೆಂಬರ್ 18 ರಂದು ಚಿತ್ರತಂಡವು ಈ ಪವರ್ಫುಲ್ ಟ್ರೈಲರ್ ಅನ್ನು ಅನಾವರಣಗೊಳಿಸಿದ್ದು, ಅಭಿಮಾನಿಗಳಲ್ಲಿ ದೊಡ್ಡ ಮಟ್ಟದ ಸಂಚಲನ ಮೂಡಿಸಿದೆ.
‘ಉರಿ: ದಿ ಸರ್ಜಿಕಲ್ ಸ್ಟ್ರೈಕ್’ ಖ್ಯಾತಿಯ ನಿರ್ದೇಶಕ ಆದಿತ್ಯ ಧರ್ (Aditya Dhar) ಆಕ್ಷನ್-ಕಟ್ ಹೇಳಿರುವ ಈ ಸಿನಿಮಾವು, ನಿಜವಾದ ಘಟನೆಗಳಿಂದ ಪ್ರೇರಿತವಾದ ಕಥೆಯನ್ನು ಹೊಂದಿದೆ ಎನ್ನಲಾಗಿದೆ. ನಾಲ್ಕು ನಿಮಿಷಗಳಿಗಿಂತ ಹೆಚ್ಚು ಅವಧಿಯಿರುವ ಟ್ರೈಲರ್ನಲ್ಲಿ, ರಣವೀರ್ ಸಿಂಗ್ ಇದುವರೆಗೆ ಕಾಣದಂತಹ ಒಂದು ಉಗ್ರ ಮತ್ತು ಭೀಕರ ಅವತಾರದಲ್ಲಿ ಮಿಂಚಿದ್ದಾರೆ. ಅವರ ಉದ್ದನೆಯ ಕೂದಲು ಮತ್ತು ದಟ್ಟವಾದ ಗಡ್ಡದೊಂದಿಗೆ ರಣವೀರ್, ಆಕ್ಷನ್ ದೃಶ್ಯಗಳಲ್ಲಿ ಭಯಂಕರವಾಗಿ ಕಾಣಿಸಿಕೊಂಡಿದ್ದಾರೆ. ಟ್ರೈಲರ್ ರೋಚಕ ಆಕ್ಷನ್ ಸೀನ್ಗಳು, ಡೈಲಾಗ್ಗಳು ಮತ್ತು ದೃಶ್ಯಗಳಿಂದ ತುಂಬಿ ತುಳುಕುತ್ತಿದ್ದು, ಪ್ರೇಕ್ಷಕರನ್ನು ರೋಮಾಂಚನಗೊಳಿಸುತ್ತದೆ.ʻ
‘ಧುರಂಧರ್’ ಚಿತ್ರದ ಟ್ರೈಲರ್, ಕೇವಲ ರಣವೀರ್ ಸಿಂಗ್ ಅವರ ಅಬ್ಬರವನ್ನು ಮಾತ್ರವಲ್ಲದೆ, ಚಿತ್ರದ ತಾರಾಗಣದಲ್ಲಿರುವ ಇತರ ದಿಗ್ಗಜರ ಪಾತ್ರಗಳ ಪರಿಚಯವನ್ನೂ ಮಾಡಿಕೊಟ್ಟಿದೆ. ಸಂಜಯ್ ದತ್, ಆರ್. ಮಾಧವನ್, ಅಕ್ಷಯ್ ಖನ್ನಾ , ಅರ್ಜುನ್ ರಾಂಪಾಲ್, ಸಂಜಯ್ ದತ್ತ ಇವರುಗಳು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದು, ಟ್ರೈಲರ್ನಲ್ಲಿ ಅವರ ಗಂಭೀರ ಮತ್ತು ವಿಭಿನ್ನ ಲುಕ್ ಗಳು ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾಗಿವೆ. ಅರ್ಜುನ್ರಾಂ ಪಾಲ್ ಮತ್ತು ಅಕ್ಷಯ್ ಖನ್ನಾ ಅವರ ವಿಲನ್ ಪಾತ್ರಗಳು ಹೆಚ್ಚು ಗಮನ ಸೆಳೆದಿವೆ.
ಟ್ರೈಲರ್ ನೋಡಿದವರಿಗೆ ಇದು ಕೇವಲ ಒಂದು ಆಕ್ಷನ್ ಚಿತ್ರವಲ್ಲ, ಬದಲಿಗೆ ದೇಶಭಕ್ತಿ, ಸೇಡು ಮತ್ತು ಭೀಕರ ಹಿಂಸಾಚಾರದಿಂದ ಕೂಡಿರುವ ಸ್ಪೈ ಥ್ರಿಲ್ಲರ್ ಎಂಬುದು ಸ್ಪಷ್ಟವಾಗುತ್ತದೆ. ಹಿನ್ನೆಲೆ ಸಂಗೀತ ಮತ್ತು ಸಂಭಾಷಣೆಗಳು ತೀವ್ರತೆಯನ್ನು ಹೆಚ್ಚಿಸಿವೆ. ರಣವೀರ್ ಸಿಂಗ್ ಅವರ ‘ರಾಕಿ ಔರ್ ರಾಣಿ ಕೀ ಪ್ರೇಮ್ ಕಹಾನಿ’ ನಂತರದ ಮುಖ್ಯ ಪಾತ್ರ ಇದಾಗಿದ್ದು, ಪ್ರೇಕ್ಷಕರು ಈ ಚಿತ್ರಕ್ಕಾಗಿ ಉತ್ಸಾಹದಿಂದ ಕಾಯುತ್ತಿದ್ದಾರೆ. ಟ್ರೇಲರ್ ಬಿಡುಗಡೆಯಾದ ಕೆಲವೇ ಗಂಟೆಗಳಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಟ್ರೈಲರ್ ಅನ್ನು ಶಾರ್ಪ್ ಎಡಿಟಿಂಗ್ಮೂ ಲಕ ತಯಾರಿಸಲಾಗಿದ್ದು, ಕಥಾವಸ್ತುವಿನ ಹೆಚ್ಚಿನ ವಿವರಗಳನ್ನು ಬಿಟ್ಟುಕೊಡದೆ, ಚಿತ್ರದ ಮೇಲಿನ ಕುತೂಹಲವನ್ನು ಮತ್ತಷ್ಟು ಹೆಚ್ಚಿಸಿದೆ.
ಚಿತ್ರವು ಬಹುಶಃ ಎರಡು ಭಾಗಗಳಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಇದೆ ಎಂದೂ ವರದಿಯಾಗಿದೆ. ‘ಧುರಂಧರ್’ ಸಿನಿಮಾ ಡಿಸೆಂಬರ್ 5, 2025 ರಂದು ಭಾರತದಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ರಣವೀರ್ ಸಿಂಗ್ ಅವರ ಕರಿಯರ್ನಲ್ಲಿ ಇದೊಂದು ಮಹತ್ವದ ಚಿತ್ರವಾಗಿದ್ದು, ಅವರ ಅಭಿಮಾನಿಗಳಿಗೆ ದೊಡ್ಡ ಪರದೆಯ ಮೇಲೆ ಭರ್ಜರಿ ಮನರಂಜನೆ ಸಿಗುವುದು ಖಚಿತ.
ಟ್ರೈಲರ್ ವೀಕ್ಷಿಸಲು ಕ್ಲಿಕ್ ಮಾಡಿ