ಖ್ಯಾತ ನಿರ್ದೇಶಕ ಮುರುಗದಾಸ್ ನಿರ್ದೇಶನದ ಮಧರಾಸಿ ಚಿತ್ರವು ಅಕ್ಟೋಬರ್ 1 ರಿಂದ ಅಮೇಜಾನ್ ಪ್ರೈಮ್ ನಲ್ಲಿ ವಿಕ್ಷಿಸಲು ಲಭ್ಯವಿದೆ.
ಶಿವಕಾರ್ತಿಕೇಯನ್, ಕನ್ನಡತಿ ರುಕ್ಮಿಣಿ ವಸಂತ್ ಹಾಗೂ ವಿದ್ಯುತ್ ಜಮ್ವಾಲ್ ತಾರಾಂಗಣವಿರುವ ಮಧರಾಸಿ ಚಿತ್ರವು ತಮಿಳು, ತೆಲುಗು, ಹಿಂದಿ, ಮಲಯಾಳಂ ಮತ್ತು ಕನ್ನಡದಲ್ಲಿ ಡಬ್ ಆಗಿ ಒಟಿಟಿಯಲ್ಲಿ ಲಭ್ಯವಿದ್ದು, ಸಿನಿ ಪ್ರೇಕ್ಷಕರಿಗೆ ರೋಮಾಂಚಕ ಅನುಭವವನ್ನು ನೀಡಲಿದೆ.
ಶಿವಕಾರ್ತಿಕೇಯನ್ ತಮ್ಮ ಸಾಂಪ್ರದಾಯಿಕ ಹಾಸ್ಯ ಶೈಲಿಯನ್ನು ಬಿಟ್ಟು ಒಂದು ವಿಭಿನ್ನವಾದ ಶಕ್ತಿಯುತವಾದ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ರುಕ್ಮಿಣಿ ವಸಂತರೊಂದಿಗಿನ ಕೆಮಿಸ್ಟ್ರಿ ಗಮನಾರ್ಹವಾಗಿದೆ. ವಿದ್ಯುತ್ ಜಮ್ವಾಲ್ ನೆಗೆಟಿವ್ ಪಾತ್ರದಲ್ಲಿ ಭಯಾನಕವಾಗಿ ಕಾಣಿಸಿಕೊಂಡಿದ್ದಾರೆ, ಜೊತೆಗೆ ಬಿಜು ಮೆನನ್, ವಿಕ್ರಾಂತ್ ಮತ್ತು ಶಬೀರ್ ಕಲ್ಲರಕ್ಕಲ್ ಮುಖ್ಯ ಪಾತ್ರಗಳಲ್ಲಿ ಮಿಂಚಿದ್ದಾರೆ. ಅನಿರುಧ್ ರವಿಚಂದ್ರನ್ರ ಅದ್ಭುತ ಸಂಗೀತ ಮತ್ತು “ಸಲಂಬಾಲ” ಗೀತೆ ಚಿತ್ರವನ್ನು ಎತ್ತರಕ್ಕೆ ಕೊಂಡೊಯ್ಯುತ್ತದೆ. ಚಿತ್ರಮಂದಿರದಲ್ಲಿ ಮಧರಾಸಿ ಸೆಪ್ಟೆಂಬರ್ 5, 2025 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡು ₹13 ಕೋಟಿ ಗಳಿಕೆಯೊಂದಿಗೆ ಭರ್ಜರಿ ಆರಂಭವನ್ನು ಕಂಡಿತು ಮತ್ತು ವಿಶ್ವಾದ್ಯಂತ ₹100 ಕೋಟಿಗಿಂತ ಹೆಚ್ಚು ಗಳಿಕೆ ಮಾಡಿದೆ ಎಂದು ಮಾದ್ಯಮಗಳು ವರದಿ ಮಾಡಿದೆ. ಸಾಮಾನ್ಯ ಪ್ರೇಕ್ಷಕರಿಂದ ಮಿಶ್ರ ಪ್ರತಿಕ್ರೀಯೆ ವ್ಯಕ್ತವಾದರೂ ಆಕ್ಷನ್ ಪ್ರಿಯರನ್ನು ರಂಜಿಸುವಲ್ಲಿ ಯಶಸ್ವಿಯಾಗಿತ್ತು.