ಅಂದುಕೊಂಡದ್ದಕ್ಕಿಂತ ಮೊದಲೇ ಕಾಂತಾರ ಚಾಪ್ಟರ್‌ 1 OTTಗೆ; ಬಿಡುಗಡೆಗೆ ಡೇಟ್‌ ಫಿಕ್ಷ್‌.

ಅಕ್ಟೋಬರ್‌ 2 ರಂದು ಜಗತ್ತಿನಾದ್ಯಂತ ಬಹುಭಾಷೆಯಲ್ಲಿ ಬಿಡುಗಡೆಯಾದ ಬ್ಲಾಕ್‌ಬ್ಲಸ್ಟರ್ ‘ಕಾಂತಾರ: ಚಾಪ್ಟರ್ ೧’ ಈಗ ಒಟಿಟಿ ವೇದಿಕೆಯಲ್ಲಿ ದಾಖಲೆಯನ್ನು ಸೃಷ್ಟಿಸಲು ಸಿದ್ಧವಾಗಿದೆ. ರಿಷಬ್ ಶೆಟ್ಟಿಯವರ ನಿರ್ದೇಶನ ಮತ್ತು ನಾಯಕತ್ವದ ಈ ಬ್ಲಾಕ್‌ ಬಸ್ಟರ್ ಸಿನಿಮಾ ಅಮೆಜಾನ್ ಪ್ರೈಮ್ ವೀಡಿಯೋದಲ್ಲಿ ಅಕ್ಟೋಬರ್ 31, 2025ರಂದು ಬಿಡುಗಡೆಯಾಗುತ್ತದೆ ಎಂದು ಅಧಿಕೃತವಾಗಿ ಘೋಷಿಸಲಾಗಿದೆ. ಇಷ್ಟು ದಿನ ಓಟಿಟಿಯಲ್ಲಿ ವಿಕ್ಷಿಸಲು ಕಾತುರದಿಂದ ಕಾಯುತ್ತಿದ್ದ ಸಿನಿಪ್ರಿಯರಿಗೆ ಈ ಸುದ್ದಿ ಸಂತಸವನ್ನು ನೀಡಿದೆ.

ಇದನ್ನೂ ಓದಿ: ಕಾಂತಾರ ಚಾಪ್ಟರ್ 1: ಮಾಯಕಾರ ಪಾತ್ರದ ರಹಸ್ಯ ರಿವೀಲ್ –ಅದ್ಭುತ ಮಾಸ್ಕ್ ಮೇಕಪ್; ಇವರೇ ಈ ಪಾತ್ರ ಮಾಡಿದ್ದಾರೆಂದು ಯಾರೂ ಉಹಿಸೇ ಇರಲಿಲ್ಲ!

ಅಕ್ಟೋಬರ್ 2, 2025 ರಂದು ಗಾಂಧಿ ಜಯಂತಿ ಮತ್ತು ದಸರಾ ಹಬ್ಬದ ಸಂದರ್ಭದಲ್ಲಿ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾದ ಈ ಚಿತ್ರ ಜಗತ್ತಿನಾದ್ಯಂತ 800 ಕೋಟಿಗೂ ಅದಿಕ ಹಣವನ್ನು ಸಂಗ್ರಹಿಸಿದೆ ಎಂದು ವರದಿಯಾಗಿದೆ. ಕನ್ನಡ ಸಿನಿಮಾ ಇತಿಹಾಸದಲ್ಲಿ ಅತೀ ಹೆಚ್ಚು ಗಳಿಕೆ ಮಾಡಿದ ಚಿತ್ರವಾಗಿ, 2025 ರ ಅತೀ ಹೆಚ್ಚು ಗಳಿಕೆ ಭಾರತೀಯ ಚಿತ್ರವಾಗಿ ಮತ್ತು ಎಲ್ಲಾ ಕಾಲದ (All Time) ಅತೀ ಹೆಚ್ಚು ಗಳಿಕೆ ಮಾಡಿದ ಭಾರತೀಯ ಚಿತ್ರಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ. ಕನ್ನಡ, ತಮಿಳು, ತೆಲುಗು, ಮಲಯಾಳ, ಹಿಂದಿ ಭಾಷೆಗಳಲ್ಲಿ ಬಿಡುಗಡೆಯಾದ ಈ ಚಿತ್ರ, ಐಮ್ಯಾಕ್ಸ್, ಡಾಲ್ಬಿ ಸಿನಿಮಾ, 4Dಎಕ್ಸ್ ಸೇರಿದಂತೆ ವಿವಿಧ ಫಾರ್ಮ್ಯಾಟ್‌ಗಳಲ್ಲಿ ಪ್ರದರ್ಶನಗೊಂಡು ಪ್ರೇಕ್ಷಕರನ್ನು ಮಂತ್ರಮುಗ್ಧಗೊಳಿಸಿದೆ.

ನಿರ್ದೇಶಕ ರಿಷಬ್ ಶೆಟ್ಟಿಯವರು ಹೇಳಿದಂತೆ, “ಕಾಂತಾರ ಚಿತ್ರ ಭಾರತೀಯ ಸಿನಿಮಾದ ಹೊಸ ಅಧ್ಯಾಯವಾಗಿದ್ದು, ಸ್ಥಳೀಯ ಸಂಸ್ಕೃತಿ ಮತ್ತು ನೈಜತೆಯಿಂದ ಕೂಡಿದ ಕಥೆಗಳು ಜಗತ್ತು ಜನರನ್ನು ಆಕರ್ಷಿಸಬಲ್ಲವು ಎಂದು ತೋರಿಸುತ್ತದೆ. ಚಿತ್ರದಲ್ಲಿ ರಿಷಬ್ ಶೆಟ್ಟಿಯವರ ಜೊತೆಗೆ ಜಯರಾಮ್, ರುಕ್ಮಿಣಿ ವಾಸಂತ್, ಗುಲ್ಷನ್ ದೇವಯ್ಯ ಸೇರಿದಂತೆ ಪ್ರಮುಖ ನಟರ ತಂಡ ಕಾಣಿಸಿಕೊಂಡಿದೆ. ಸೋಷಿಯಲ್‌ ಮಿಡಿಯಾದಲ್ಲಿ #KantaraALegendChapter1OnPrime ಎಂಬ ಹ್ಯಾಷ್‌ ಟ್ಯಾಗ್‌ ನೊಂದಿಗೆ ಪ್ರೇಕ್ಷಕರು ತಮ್ಮ ಉತ್ಸಾಹವನ್ನು ವ್ಯಕ್ತಪಡಿಸುತ್ತಿದ್ದಾರೆ.