ಕಾಂತಾರ ಚಾಪ್ಟರ್ 1: ಮಾಯಕಾರ ಪಾತ್ರದ ರಹಸ್ಯ ರಿವೀಲ್ –ಅದ್ಭುತ ಮಾಸ್ಕ್ ಮೇಕಪ್; ಇವರೇ ಈ ಪಾತ್ರ ಮಾಡಿದ್ದಾರೆಂದು ಯಾರೂ ಉಹಿಸೇ ಇರಲಿಲ್ಲ!

ಬೆಂಗಳೂರು, ಅಕ್ಟೋಬರ್ 26, 2025: 2025ರ ಬ್ಲಾಕ್ ಬಸ್ಟರ್ ಸಿನಿಮಾ ‘ಕಾಂತಾರ ಚಾಪ್ಟರ್ 1’ಗೆ ಸಂಬಂಧಿಸಿದ ಒಂದು ಆಸಕ್ತಿಕರ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಈ ವೀಡಿಯೋದಲ್ಲಿ ಸಿನಿಮಾದ ಪ್ರಮುಖ ಪಾತ್ರವಾದ ‘ಮಾಯಕಾರ’ ರೂಪದ ಮೇಕಪ್ ಪ್ರಕ್ರಿಯೆಯನ್ನು ತೋರಿಸಲಾಗಿದ್ದು, ಇದು ಪ್ರೇಕ್ಷಕರನ್ನು ಆಶ್ಚರ್ಯಕ್ಕೆ ಒಳಪಡಿಸಿದೆ. ಈ ಪಾತ್ರವನ್ನು ಸ್ವತಃ ಸಿನಿಮಾದ ನಾಯಕ ರಿಷಭ್ ಶೆಟ್ಟಿ ಅವರೇ ಅಭಿನಯಿಸಿದ್ದಾರೆ ಎಂಬುದು ಚಿತ್ರತಂಡ ಈ ವಿಡಿಯೋ ಮೂಲಕ ರಿವೀಲ್‌ ಮಾಡಿದೆ. ಈಗ ಈ ವೀಡಿಯೋ ಬಿಡುಗಡೆಯಾದ ನಂತರ, ಅಭಿಮಾನಿಗಳು ಈ ರಹಸ್ಯವನ್ನು ತಿಳಿದು ಆಶ್ಚರ್ಯಗೊಂಡಿದ್ದಾರೆ.

‘ಕಾಂತಾರ’ ಸಿನಿಮಾದ ಮೊದಲ ಭಾಗವು ತುಳು ನಾಡಿನ ಸಂಸ್ಕೃತಿ, ದೈವರಾಧನೆ, ಕೋಣಗಳ ಕಂಬಳ, ಕಥೆ ಮತ್ತು ಭಾವನಾತ್ಮಕ ಸೀನ್‌ ಗಳೊಂದಿಗೆ ಜನಪ್ರಿಯವಾಗಿತ್ತು. ಇದರ ಚಾಪ್ಟರ್ 1 ಈಗ 2025ರಲ್ಲಿ ಬಿಡುಗಡೆಯಾಗಿದ್ದು, ಇದರಲ್ಲಿ ‘ಮಾಯಕಾರ’ ಎಂಬ ಪಾತ್ರವು ಕಥೆಯ ಕೇಂದ್ರಬಿಂದುವಾಗಿದೆ. ಈ ಪಾತ್ರದ ರೂಪವು ಕುತೂಹಲಕಾರಿ ಮತ್ತು ರಹಸ್ಯಮಯವಾಗಿದ್ದು, ಚಿತ್ರೀಕರಣ ಸ್ಥಳದಲ್ಲಿ ಈ ಪಾತ್ರದ ಮೇಕಪ್ ತಯಾರಿ ಪ್ರಕ್ರಿಯೆಯನ್ನು ತೋರಿಸುವ ಈ ವೀಡಿಯೋ ಚಿತ್ರತಂಡದಿಂದಲೇ ಬಿಡುಗಡೆಯಾಗಿದೆ. ವೀಡಿಯೋದಲ್ಲಿ ರಿಷಭ್ ಶೆಟ್ಟಿ ಅವರ ಮುಖಕ್ಕೆ ಮಾಸ್ಕ್ ಮೇಕಪ್ ಹಾಕುವ ಪ್ರಕ್ರಿಯೆಯನ್ನು ವಿವರವಾಗಿ ಚಿತ್ರಿಸಲಾಗಿದ್ದು, ಇದು ಅವರನ್ನು ಸಂಪೂರ್ಣವಾಗಿ ಬದಲಾಯಿಸಿ ಮ್ಯಾಜಿಕಲ್ ರೂಪ ನೀಡಿದೆ. ಚಿತ್ರತಂಡದ ಸದಸ್ಯರು ಹೇಳುವಂತೆ, ಈ ಮೇಕಪ್‌ಗಾಗಿ ವಿಶೇಷ ಎಫೆಕ್ಟ್ಸ್ ತಂಡವು ದಿನಗಳ ಕಾಲ ಶ್ರಮಿಸಿದೆ. ನೈಸರ್ಗಿಕ ವಸ್ತುಗಳು, ಸಿನಿಮಾಟಿಕ್ ಟೆಕ್ನಿಕ್‌ಗಳು ಮತ್ತು ರಿಷಭ್ ಅವರ ಅಭಿನಯ ಚಾತುರ್ಯದಿಂದ ‘ಮಾಯಕಾರ’ ಪಾತ್ರವು ಸಿನಿಮಾದಲ್ಲಿ ಅಮೋಘವಾಗಿ ಮೂಡಿ ಬಂದಿದೆ.

ಇದನ್ನೂ ಓದಿ: ಇವನು ಹೀರೋ ಮಟಿರಿಯಲ್‌ ಅಲ್ಲ ಎಂದು ಅವಮಾನಿಸಿದರು, ಆದರೆ ಮಾಡಿದ 3 ಚಿತ್ರಗಳೂ 100+ ಕೋಟಿ ಗಳಿಕೆ; ಈಗ ಸೌತ್ ಇಂಡಿಯಾದಲ್ಲೇ ಬಹುಬೇಡಿಕೆಯ ನಟ.

ನೀವೇ ಈ ಪಾತ್ರ ಮಾಡಿರುವಿರಿ ಎಂದು ಉಹಿಸೇ ಇರಲಿಲ್ಲ

ಈ ವೀಡಿಯೋ ಬಿಡುಗಡೆಯಾಗುವ ಮೊದಲು ಚಿತ್ರತಂಡ ಈ ರಹಸ್ಯವನ್ನು ಗುಟ್ಟಾಗಿ ಇರಿಸಿಕೊಂಡಿತ್ತು, ಏಕೆಂದರೆ ಇದು ಸಿನಿಮಾದ ಕ್ಲೈಮ್ಯಾಕ್ಸ್ ಸೀನ್‌ಗಳಲ್ಲಿ ಪ್ರಮುಖ ಅಂಶವಾಗಿರುತ್ತದೆ. ಆದರೆ ಈಗ ಈ ವೀಡಿಯೋದಿಂದಾಗಿ ಪ್ರೇಕ್ಷಕರು ಈಗಾಗಲೇ ಸಿನಿಮಾದ ಬಗ್ಗೆ ಇನ್ನೂ ಹೆಚ್ಚಿನ ಉತ್ಸುಕರಾಗಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಈ ವೀಡಿಯೋಗೆ ಪ್ರಸಂಶನೀಯ ಪ್ರತಿಕ್ರಿಯೆಗಳು ಬರುತ್ತಿವೆ. ಅಭಿಮಾನಿಗಳು ರಿಷಭ್ ಸರ್ ಅವರ ಮಾರ್ಪಾಡು ಅದ್ಭುತ!”, “ಮಾಯಕಾರ ರೂಪ ನೋಡಿ ಭಯವೇ ಬಂತು, ನೀವೇ ಈ ಪಾತ್ರ ಮಾಡಿರುವಿರಿ ಎಂದು ಉಹಿಸೇ ಇರಲಿಲ್ಲ. ನಿಮ್ಮ ಡೆಡಿಕೇಶನ್‌ ಅದ್ಭುತ!” ಎಂದು ಕಾಮೆಂಟ್ ಮಾಡುತ್ತಿದ್ದಾರೆ.

ಚಿತ್ರ ಬಿಡುಗಡೆಯಾಗಿ ಜಗತ್ತಿನಾದ್ಯಂತ 800 ಕೋಟಿಗೂ ಅಧಿಕ ಗಳಿಕೆಮಾಡಿದೆ. ನಟ ನಿರ್ದೇಶಕ ರಿಷಭ್‌ ಶೆಟ್ಟಿ ದೇಶದಾದ್ಯಂತ ಬಿಡುವಿಲ್ಲದೇ ಪ್ರಚಾರಕಾರ್ಯದಲ್ಲಿ ತೊಡಗಿದ್ದಾರೆ. ಈ ವೀಡಿಯೋ ಸಿನಿಮಾದ ಪ್ರಚಾರಕ್ಕೂ ಸಹಾಯ ಮಾಡಿದ್ದು, ‘ಕಾಂತಾರ ಚಾಪ್ಟರ್ 1’ ಈಗ ಟ್ರೆಂಡಿಂಗ್‌ನಲ್ಲಿ ಇದೆ. ‘ಕಾಂತಾರ’ ಸರಣಿಯ ಈ ಭಾಗದಲ್ಲಿ ರಿಷಭ್ ಶೆಟ್ಟಿ ಅವರ ಅದ್ಭುತ ನಟನೆ ನಿರ್ದೇಶನವಿದ್ದು ಇದರಲ್ಲಿ ಕರ್ನಾಟಕದ ಕರಾವಳಿ ಭಾಗದ ಕಥೆ ಮತ್ತು ಪರಿಸರ ಸಂದೇಶಗಳು ಮುಖ್ಯವಾಗಿವೆ. ಈ ಮೇಕಪ್ ವೀಡಿಯೋಯಿಂದಾಗಿ ಸಿನಿಮಾದ ಬಗ್ಗೆ ಹೆಚ್ಚಿನ ಕುತೂಹಲ ಉಂಟಾಗಿದ್ದು, ರಿಷಭ್ ಶೆಟ್ಟಿ ಅವರಂತಹ ಮಲ್ಟಿ ಟಾಲೆಂಟೆಡ್ ಕಲಾವಿದರಿಂದ ಕನ್ನಡ ಸಿನಿಮಾ ಇನ್ನಷ್ಟು ಎತ್ತರಕ್ಕೇರಲಿದೆ ಎಂಬುದು ಕನ್ನಡ ಚಿತ್ರಾಭಿಮಾನಿಗಳ ಆಶಯವಾಗಿದೆ.

ಮಾಯಕಾರ ಮೇಕಿಂಗ್‌ ವಿಡೀಯೋ ವಿಕ್ಷಿಸಲು ಇಲ್ಲಿ ಕ್ಲಿಕ್‌ ಮಾಡಿ